جنان وغيظ الاعلام المصرى بسبب الافرج عن عبد الرحمن عز

أمس 15 \ 8 \ 2017 تم توقيف عبد الرحمن عز فى مطار  Berlin Schoenefeld Airport ببسبب قرار من الانتربول الدولي بناء على بلاغ من نظام السيسي ، وبناء على كلام عبد الرحمن عز أن الشرطة الالمانية تواصلت مع السفاره المصريه بخصوصه ، طبعا السفاره المصريه ماصدقت ، والظابط الالمانى كان بيقول لعبد الرحمن عز " السفيرة المصريه كانت بتعُقد على ركُبها عشان نرجعك ليهم " .. ككناية عن ان السفيره والسفاره عموماً كانت هتموت على عبد الرحمن عز .. 

الشرطة الالمانية طلبت من السفاره الوثائق البتدين عبد الرحمن عز ، والبتثبت أنه فعلاً قاتل ومُجرم وارهابى الخ ، وطبعاً السفاره المصريه ماقدرتش تبعت الورق ده لـ الشرطة ، لان اساسا مفيش ورق ولا مستندات ولا أدلة ، فى بس عبيثه وظلم وتلقيح تُهم ... زى فيلم " زوجة رجل مهم " لما الصحفى كان بيقول لـ احمد زكى .. " طبعاً ماليستة التهم عندك مليانه ، وممكن تلبسنى اى تهُمة منهم ، ولو كنت وسط الهيلامن بتاعك ورجالتك كان زمان التقارير أتكتبت والتُهم أترصت " .. 

بعد كام ساعة  ، وبعد يأس الشرطة الالمانية من أن السفاره المصريه تُرد وتبعت المستندات والادلة ، أفرجو عن عبد الرحمن عز لان مفيش أى تهُم ضده .. 

هو ده الحصل ، هو ده الصح .. هو ده المنطقى ، لو فعلاً فى أدلة ومستندات حقيقه تُدين عبد الرحمن عز ، السفاره المصريه عمرها ماكنت هتتأخر انها تبعتها لـ المانيا .. 

انما السفاره المصرية فاكره ان الدول او الانظمة كلها عبثيه ... فاكرين ان محاكم وقضاء العالم كله زى محاكم وقضاء " جميلة ابو حريد " ظلُم فى ظلُم وعبثيه .. 

السفارة المصريه والنظام المصرى عموماً من كتر أنغماسه فى البلطجه والعبثيه والفتونه وانعدام القانون ، أفتكر أن هو ده الصح ، وان هو ده السائد ، نسى أن فى حاجه أسمها قانون .. نسى ان فى حاجه اسمها ادلة " صحيحة " تقُدم لـ قاضى مش بيتهم الا بالقانون - مش بأمر النظام - .

وطلع الاعلامى معتز الدمرداش عمال يصوت ويصرخ من المفاجاه طبعاً " ازاى يتم الافراج عن عبد الرحمن عز " ، " أزاى !! ، أزاى مايتمسكش ويتسجن ويتعدم من غير حته محُاكمة أو نيابة !! ، 
واستضاف هاتفياً بعض خرفان النظام المنهم واحد المفروض انه خبير استراتيجى وطلع يقول أى كلام لايليق أنه يقوله طفل فى ابتدائى حتى مش هقول طالب فى كلية سياسيه واقتصاد .. - لو حابب تشوف الحلقة من هنا - 

انا الصعبان عليا معتز الدمرداش الهتجيله تقريبا أرتجاجيه فى المخ وهو بيقول " مش هما قبضو عليه .. ليه بقى يفرجو عنه " .. معلش يامعتز هما قبضو عليه بناء بلاغ كاذب من حكومتك ، ولما أتاكدو من كذب السلطُة المصرية ، افرجو عنه "  ببساطه ".. للاسف أنتو خليته منظرنا يبقى وحش أوى اوى بره .. يع عليكم !