حظر النقاب فى مصر

حظر النقاب فى مصر 

فى حلقة أمس لبرنامج وائل الابراشى بتاريخ 26 - 9 - 2017 وباثارته موضوع " حظر النقاب " ، وباستضافه لعضو مجلس الشعب - الذي لايعرف أى شىء عن ماهية الشعب الذي هو نائيه - وفريدة الشوباشى  ، وكانا يتصارعا للدفاع عن قضيتهم المنشودة وكأنها قضية الزمان او قضية حياة او موت ، اى وهيا قضية حظر النقاب ، بادعاء أن النقاب خطر على الامن القومى ويهدده ، وخطر على كيان وتركيب المجتمع المصرى - على الرغم من ان النقاب كان الزى الاساسى فى فتره من فترات التاريخ الحديث فى المجتمع المصرى - وبالطبيعى كان أساس قضيتهم ونظريتهم بحُجج واهية تنافى العقل والمنطق ، وكانو يعوضو ذلك  بخشونتهم فى الحديث و " رمـى الكلام من تحت لـ تحت " بهدف أثارة الطرف الاخر فيتساوى العارف بـ غيره ، وذلك كان جلياً وواضحاً وضوح الشمس ، فـ فى بداية الحديث ترمى فريدة الشوباشى ببعض الكلمات لغريمتها المنتقبه التى تحُاورها وتقول لها - انا اعرف منين انك راجل مش ست ؟؟ ، انتى مين انتى اصلا ؟؟ ، انا ماعرفكيش بسبب البتاع ال على وشك ده " ، طبعاً كل ده كلام فارغ ولا يرتقى انه يكون كلام أصلاً ، بتقولها اعرف منين انك راجل مش ست .. وانتى مين اصلا انا ماعرفكيش .. انا برضه لو قدامى انسانه ان شاء الله تكون قالعه مالط بس ماعنديش خلفيه عنها ، مش هعرف هيا مين برضه .. فاحنا مش ذنبا ان حضرتك جاهله او على الاقل لم تقرائى او تعرفى مين الشخص الهيجى يحاورك ... 

وهتناول فى المقال بعض النقاط الهما طروحها وردى عليها ، مع أن الكلام او الحجج الطروحها لاترتقى اصلاً ان عيل فى ابتدائى يرد عليها او يفكر فيها لأنها لا تثير الا الضحك والسخرية والطبطبه على الاخر بنية العطف والصعبنه .. بس ماعلينا . 

- كثير من المُجرمين بيستخدمو النقاب كسلاح عشان يستخبو ويعملو جرائمهم  عشان كده لزم نحظره.. 

طبعاً ده كلام " أهبل " .. بعض المجُرمين وبعض الجرائم بتحدث بسبب " سكينة المطبخ " كسلاح سؤا للترهيب او السرقه او حتى القتل .. وسكينة المطبخ موجوده فى كل بيت مصرى .. او فى كل بيت فى العالم اصلا .. فكده نمنع او نحظر استخدام السكين ؟ .. نقطع اللحمه بالمعالق ؟؟ .. والمجُرمين برضه بيستخدمو اداوات زى الحبال وغيره فى عمليات السطوح المسلح والعمليات الكبيره .. نحظر بقى الحبال ونحظر بقى كل الادوات دى .. ده غير الاسلاحة الناريه " المسدس " ، فكده نحظر الاسلحة دى تماماً ؟؟ .. يبقى الجيش والشرطه مايشلوش اسلاحه برضه ؟؟ محلات بيع السلاح ماتبيعيش سلاح - بعض النظر عن التصاريح والشروط بس ده موجود - الارهابيبن والجماعات المُسلحه بيستخدمو رشاشات اليه ومدافع و و و .. فكده نحظر بقى الاسلاحة دى ؟؟ نقول ماحدش يستخدمها ابداً  او نمنع تصنيعها فى العالم علشان الجماعات الوحشه دى بتستخدمها ؟؟ .. ده منطق ؟؟ .. 

وبعدين لو عملنا احصائيه عن عدد الجرائم البتحصل بسبب النقاب وعدد الجرائم البتحصل عموماً لو لقيت أن نسبتها واحد فى الميه يبقى فعلاً النقاب ده خطر !! .. 

- النقاب مش حرية شخصية ..

المرأة المنقُبة الكانت بتحاور فريدة الشوباشى فبتقولها ان النقاب حرية شخصية ولزم تحترميها ، فـ فريدة بتقولها لا حرية الاخر تقف عندما يتعدى على حرية الاخرين !! .. هيا الانسانه لما تلبس نقاب هتتعدى على حريتك فى ايه ؟؟ أه حريتك فى انك تشوفيها ؟؟ تعرفى شكلها ؟؟ .. هو حضرتك مسئولة أمنية ؟؟ فى نساء بيلبسو نظارات سودا ضخمه بتخبى الوجه كله .. ليه بقى ماتقوليهاش ورينى وشك حابه اشوفه ؟؟؟ .. يعنى انتى محروقة أوى انك مش عارفه تشوفى وشها .. ده اسمه فضول .. انتى كده عندك مرض انك عايزه تشوفى وشوش الناس !! .. ولو على الجانب الامنى فى اى مؤسسه حكومية او حتى المؤسسات الخاصه ، بيكون فى نساء من الامن الداخلى بيكشفو على وجه المنتقبه .. المرأة لما تلبس بكينى بتقولو انها حرية شخصية  .. المرأة لما تلبس نقاب ماتبقاش حرية شخصية ؟؟؟ .. انتم أيه رويتكم للحرية ؟؟ أه رويتكم للحرية هيا الـ تشفو فى صالحكم ويرضيكم يبقى تمام واليضايقكم ويغيظكم يبقى ضد الحرية الشخصيه وضد قوانين الامم المتحده والعالم  ، للاسف الدكتوره المحترمة " فريدة الشوباشى " عنًصرية جاهله لاتعرف معنى الحرية . 

- أنتم أنتم أنتم أنتم 

فريدة الشوباشى والخروف المعاها لما بيواجهو كلامهم للنساء المنتقبات لا يستخدمو الا كلمة " أنتم " .. وكأنهم فصلو خلاص وقررو ان النساء المنتقبات دول داخلين على المجتمع المصرى وانهم مش من ضمن النسيح الوطنى المصرى ، وهما أغبية مايعرفوش ان كلامهم ده بيكره أى منتقبه فى بلدها .. لما واحده منتقبه تشوف ان واحد من مجلس الشعب ودكتوره محترمه فى جامعه وبيتكلمو بكل قوة باسم مصر ويقولو انتم وانتم ... مالزم البنت دى هتكره مصر ! ، ده الطبيعى يعنى .. لما تشوف انها غصب عنها بتتحط فى خانة انها مش من ضمن المجتمع وانها فصيل دخيل .. لزم تكره مصر .. وفى الاخر بتقولو العمليات الارهابية ايه سببها ؟؟ .. ببساطه سببها جهل وعنصرية ناس زى فريدة والخروف . 

ده غير ان فريدة والخروف المعاها برضه بستخدمو كلمات موجهه لفئة المنتقبات والداعمين هم زى مثلا " قرفتونا " ، وشكلكم زى " العفاريت " .. دى عنصرية دى ؟ ولا ساندوتش . 

- فريدة الشوباشى : أنا حرة ، أنا حرة ، أنا حرة .. 

ماكنش فى جمله بتتكرر على لسان فريدة خصوصا بعد أى راى شاذ ليها تختمه قائله " أنا حرة " ، وكأنها ورثت الحرية ، وان الحرية ده حاجه خاصه بيها ، او ميزه هيا الوحيده فى العالم التتمتع بيه وغيرهم لزم يمشو على مزاج حريتها هيا . غباء وجهل . 

فريد الشوباشى : نقاب ايه ؟ أزاى هيكون فى نقاب وفى سينما وفن وابداع !!! 

انا مش عارف بصراحة ايه علاقة السينما بالموضوع المطروح بحظر النقاب ، يعنى هيا خايفه ان واحده لابسه النقاب تمثل ؟ .. او ان ماينفعش يكون فى نقاب فى بلد ويكون فى سينما ؟ مش فاهم برضه ... امريكا ماحظرتش النقاب ... ومافيش أعظم من سينما هوليود ! ، فانا مش فاهم العلاقة .. احنا بنتكلم عن جانب حرية .. واحده عايزه تلبس نقاب خلاص تلبسه ليه نحظره ؟ ايه علاقة ده بالسينما والفن والابداع ؟؟ .. ماهو مش المجتمع كله هيكون منتقبات يعنى !! .. واساساً مفيش سينما فى مصر .. السينما فى مصر بتعتمد على اللحم العارى والاغراء الغير متُقن .. فامفيش سينما ولا فن ولا ابداع . 

كندا وحظر النقاب 

ايه الحصل لما كندا قررت تحظر النقاب ؟؟ .. الكنديين غير المسلمين قبل المسلمين طلعو فى مظاهرات ضد القرار ده ، لان القرار ده بيخالف نصوص الحرية البتنُاشد  بيها الحكومة .. فين حرية الملابس وحرية الاعتقاد وانتو حظرتوظاهره لبس معين ؟؟ .. عندنا قارة زى قارة اسيا .. كل دولة فيها ليها زى مختلف .. وماحدش بيتكلم عنهم ولاشىء .. وبيتمتعو بلبس زيهم الخاص فى اى دوله بيروحوها ومفيش حظر أو منع ... وكندا تراجعت عن القرار !! .. تخيل كندا !!! .. الهيا  بلد معظم الفيها غير مسلمين اصلا . 

- نظرية المؤامرة 

انا ضد نظرية المؤامرة بس .. 

الكلام الـ غير منطقى الكان بيتقال وان الوقت غريب ان قضيه زى دى تُطرح خصوصاً ان مفيش اى حادثه او واقعه حدثت ليها علاقة بالنقاب .. فليه قضيه زى دى تُطرح ، ويكون الدفاع عنها مسُتميت بالشكل ده .. اه هو دفاع واهى ومحُاط بحائط من الجهل والعنصريه . بس أهو برضه اسمه دفاع .. شىء زى ده ممكن يخلينى أراجع تفكيرى فى أمور كتير . 

والغريب او الشىء المقرف للناس دى أنهم دايما بيتكلمو باسم الشعب وباسم مصر كلها ... وكأنهم بيقولو أن احنا وصلنا لمرحلة من العلم تؤهلنا للحديث بأسم الشعب ده كله ... مع الرغم أن أغلبية الشعب المصرى مؤيد اصلاً للنقاب . " بيحاولو يرسمو ويعملو علمية ايهام لنفسهم بشىء غير موجود " .

فى النهاية أحب أقول صدعتو رؤسنا بالحرية والتحرر والتفكير العقلى والايمان بالمنطق وبمربع أرسطو ، خلاص أقتنعو انتم بقى بالكلام ده أرجوكم .