موقع صراحة ضحية برنامج تلفزيونى مصرى

 البارح كان وائل الابراشى فى البرنامج بتاعه " العاشره مساء " .. كان مستضيف تليفونياً .. الاستاز زين العابدين " مواطن سعودى مقيم فى السعودية " .. مؤسس موقع صراحة .. وكان على نفس الخط واحد كده لواء وكان مدير امن المعلومات والاتصالات سابقاً .. وواحد تالت المفروض انه مدير مركز طيبة للمعلومات .. 

شعار موقع صراحة

موقع صراحة موقع ناجح بكل المقايس ... موقع فى اقل من اسبوعين زيارته بقيت فوق الـ 500 مليون .. والراجل لغايت دلوقتى ماحطش اى اعلانات فى الموقع ... الراجل ده لو حط اعلانات فى الموقع هيكسب ملاييين حرفياً .. وسهل جداً انه يحط اعلانات .. 

 انا بقى بما انى مواطن مصرى غلبان فكنت فاكر ان وائل الابراشى مستضيف زين العابدين مؤسس الموقع احتفالاً بنجاحه .. انما طلع تشويهاً للموقع .. وتشويها للاستاز زين العابدين ... كعادة المصريين يعنى .. اننا بنحارب اى شىء ناجح .. 

 المهم ... الاستاز اللؤا بيقول انه هيبلغ الانتربول عشان يقبضه ع مؤسس الموقع ده .. طب ايه السبب ؟؟ .. السبب ان الباشا مايعرفش الهوية الحقيقه لصاحب الموقع .. وبيقول بكل بجاحه .. مين يعنى زين العابدين ده ... وكمان يضيف بكل غباء ويقول ان فى ناس وراء الموقع ده ... فاستاز زين العابدين يرد عليه .. يقولو حضرتك تقصد شركة الاستضافه ؟؟؟ .. " أنا صاحب الموقع بس لزم يكون فيه شركة استضافه عشان اقدر من خلالها أعمل الموقع " .. والناس الشغاله ع الانترنت وفى تطوير المواقع فاهمه الكلام ده كويس .. وبتاع مدير طيبة للمعلومات .. بكل تحقير يقول اصلا الفكرة مش جديده ... ده " تطبيق " اسمه ask fm .. معمول من زمان ... يعنى الاستاز زين العابدين ماطلعش بحاجة جديدة !! ... فالاستاز زين بكل احترام برضه يرد يقول .. لا حضرتك ask موقع بيعتمد على السؤال والجواب .. ان حد مجهول يخش يسئلنى سؤال وانا اجاوب عليه .. مش مُجرد انه يبعتلى رساله ... واسك اصلا شبكة اجتماعيه متكامله ... ممكن يكون ليا بروفايل عليه .. وفولورز الخ الخ ... انما صراحه .. هى رساله وخلصنا ... يعنى فى اختلاف فى ديناميكية الموقع واسلوب الموقع .. واللؤا يتابع كلامه ويقول صراحة ده مش موقع ده تطبيق ع الموبايل مرتبط بالفيس بوك ... فـ زين العابدين يرد ويقول .. صراحة موقع على الانترنت وله نسخة " تطبيق "ع الهواتف المحموله .. وهو منفصل تماماً عن الفيس بوك وملهوش اى علاقه باى موقع أخرى .. هو موقع منفصل تماما .. 

 وجات مداخله تانيه من واحده ست عماله تصوت وتقول بالحرف "" انا مايشرفنيش انى اشترك فى موقع زى ده اساسا ... انا ليه يدخل فى حسابى حد ممكن يشتمنى ويعملى مشاكل وانا ماعرفوش " .. ياستى ده عرض وطلب عجبتك الفكره اشتركى .. مش عجباكى .. خلاص ! ...

 ويتابع وائل الابراشى ويقول احنا المفروض نسستخدم الانترنت فى حاجه مفيدة مش فى الهدم ده ! .. ياحببيبى هدم ايه ؟؟ .. هو ايه الهدم ... انتو ليه مش عايزين تقنتعو ان ساحة الانترنت هى ساحة عرض وطلب مش أجبار .. لا ازاى .. ده فى ناس بتجلهم رسائل ع الموقع بتجبلهم اكتئاب .. طب ياحبيبى انت ماسك فى الموقع وسايب الناس !! .. انت سايب اساس المشكله وماسك فى شىء ملوش دخل اصلا ؟؟ ... مهو انا ممكن اعمل حساب فيك ع الفيس وادخل ع اى حد اسبله واشتمه !! .. 

تخيله لو الراجل مؤسس الموقع ده كان مصرى ... كان زمانه هيكون فى امن دوله على شىء تافه اصلا ... 

 أه نسيت طبعاً .. بكل بجاااااااااااااااحه وائل الابراشى يسئل زين العابدين يقولو انت دخلت كام من الموقع ؟؟ زين العابدين يرد يقولو .. حضرتك خش ع الموقع شوف لو فيه اعلانات ولالا .. يقولو معقوله يعنى مش هتكسب منه ! ... وانت مال امك انت ! .. 

قصيدة بتاريخ 12 - 2 - 2012

قصيدة بتاريخ 12 - 2 - 2012

هى ومن غيرها ليحُكم قلبى . 

هى السعادة مجسدة ..

هي الحياة فى وادى الموت ..

عشقتُ انا حتى صفير نومها ..

وكلماتها .. 

كأفصح شاعرة .. 

سبقتنى انا ملك الشعرُ فى الشعر ..

بدون مجاز ! 

فهى المجاز والحياة ...

هى الكناية على أوتار لحن ..

هى وحدها صاحبة القصيدة ..

أحبتتها .. 

وانا لستً حبيب ..

انما شاعرها .. 

عازف لحن خطواتها ..

هى أخلاصاً وتجسيداً للفن ..

هى ملُهمتى فى الحرف ..

 هى الحياة ..

طريقة وضع اكواد الميتا تاج بطريقة صحيحة فى مدونات بلوجر

بسم الله الرحمن الرحيم

أكواد الميتا تاج هى من اهم العوامل فى علم السيو لتهيئة موقعك او مدونتك للظهور فى محركات البحث ، هى التى من خلالها تستطيع أن تتنافس مع المواقع الاخرى التى فى نفس مجال تخصصك فى الاولوية للظهور فى محركات البحث المختلفه ، واكواد الميتا تاج هى عباره عن اكواد برمجيه بسيطة بلغة الـ HTML يتم وضعها فى قالب بلوجر او فى تصميم اى موقع على اى منصه عموماً .. وبما أن مجال تخصص تدوينة اليوم هيا مدونات بلوجر ، فسنكتب لكم الطريقة الصحيحة لوضع اكواد الميتا تاج فى مدونتك

صوره توضيحية لـ اكواد الميتا تاج

تحتوى أكواد الميتا تاج على وصف للمدونة او الموقع .. وهو عباره عن وصف بسيط لمحتوى موقعك ، فإذا كان تخصص موقعك هو التسويق الالكترونى فمن الممكن ان تكتب فى وصف الموقع " موقع يهتم باخبار التسويق الكترونى ومهارته " .. فهذا يساعد تعرف محركات البحث على تخصص موقعك فسيكون من السهل أرشفة موقعك ، وايضأ تحتوى اكواد الميتا تاج على الكلمات الدلالية وهى مهمة جداً .. وهى عباره عن بعض الكلمات ويتم الفصل بينهم بالعلامة " , " .. وهيا عباره عن مجموعة كلمات تدور حول محتوى موقعك .. ويجب أن تختار هذه الكلمات بعيانه ...

كيفية وضع أكواد الميتا تاج فى مدونات بلوجر ؟

1 - نذهب الى لوحة تحكم بلوجر ، ومن ضمن الاختيارات نختار " قالب " ثم تحرير HTMl

سيظهر امامنا قالب المدونة بصيغة الـ HTML .. ومن خلال الاختصار ctrl + f سنبحث عن الكود

<b:include data='blog' name='all-head-content'/>

وتحت هذا الكود سنكتب الاكواد التالية 

<meta content='الوصف هنا ' name='description'/>
<meta content='الكلمات الدلالية هنا' name='keywords'/>
<meta content='اكتب اسمك هنا' name='author'/>

وسنستبدل الكلمات البنفسجية بالمحتوى الخاص بموقعنا .. كمثالـ

ومن ثم نحفظ القالب وبهذا الشكل قد حصلنا على اكواد ميتاج تاج سليمة لموقعنا ... وأًصبح موقعنا مُعد وجاهز للظهور فى محركات البحث ، فليس عليك الان الا الاهتمام بالمحتوى المُرتبط بالوصف او الكلمات الدلالية التى كتبتها أنت فى اكواد الميتا تاج الخاصه بموقعك