السوشيال ميديا ام الـ SEO ايهما أفضل ؟

التسويق عبر السوشيال والتسويق عبر الـ SEO او عبر تحسين الظهور فى نتائج محركات البحث .. ايهما أفضل ؟
بالطبع الطريقتين هما من أفضل الطرق للتسويق الالكترونى .. ولكن اذا تحدثنا عن الطريقة الاسرع للوصول للنتائج المرغوبة فهو السوشيال ميديا  social media marketing  وهذا للاسباب التالية ..

1- تعُتبر السوشيال ميديا من أسرع الطرق للحصول على مستوى جيد من الزيارات فى وقت قصير جداً

2- السوشيال ميديا تعطى لفريق التحرير مساحه واسعه لخلق الاخبار والكتابات اليوميه بشكل سلس .. بدون الحاجه الى المقالات الطويله ومرعات قواعد الـ SEO

3 - السوشيال ميديا بتعطيك فرصة كبيره للتركيز مع تفاعل جمهورك المستهدف ومع احتياجاتهم ايضاً .. وايضا هناك فرصة واسعه للانتشار اذا ماعجب منتجك او خدمتك الجمهور المستهدف لينشروه بينهم وبين اصدقائهم ..

4 - ببساطه اذا كان موقعك جيد فستدفعك السوشيال ميديا ببساطه الى اعلى القمم فى نتائج البحث .. فتفاعل الجمهور مع موقعك فى السوشيال ميديا سيعطى مصدقية اكتر لموقعك وصداقة أكثر مع محركات البحث وبها ستحتل اولى نتائج البحث ان شاء الله

البعد الخامس - الجزء الثانى

ابراهيم والشخص الغريب بيمشو فى ممر واسع وفى لوحات " براويز " مفهاش غير صور لونها اسود ساده ..

- ياعم انت احنا ماشيين بقالنا كتير اوى انا رجليا ورمت

يابراهيم مش انت عايز تخرج من هنا .. انا هخرجك .. اصبر ... زى مانت صابر على النجاح اوى لدرجة انك مش عايز تاخد اى خطوه تنجحك !

وفجاه يظهر انسان من تحت الارض ويطلع قدام ابراهيم والشخص الغريب .. ويفضل يتنطط ويتشقلب زى الارجوز ..

- ايه ده بسم الله الرحمن الرحيم .. مين ده .. جنى ده ولا عفريت ولاشبح ... اااااع

ماتصوتش يابراهيم انا هعرفك مين ده ...

- عرفنى دلووووقتى ...

فاكر فى امتحان الكيمياء بتاع 2 ثانوى لما كنت بتفكر فى حل المسئلة وكل شويه اغنيه وماله بتاعت عمرو دياب ترن فى ودنك ؟

- اه فاكر ! 

 

 

هو ده بقى الكان بيغنى !

-- وفجاه الشخص الطلع من تحت الارض بيبص لـ ابراهيم وبيقولو .. هاااا تحب اغنيلك اييييييه ... تحب اغنيييييلك القطه المشميه .. يلا بينا نغنى .. القطه المشميه حلوه بس شقييييه

- بس بس اهدى بقى .. هو انت بقى الكنت بتغنى ؟؟ انت الكنت الخاذوق البتطلعلى لما احاول اعصر دماغى وافكر فى حاجه ..

-- لالا ومش كده وبس.. مش انت لما بتروح اى عزاء بتكون كان عايز تضحك ؟

- اه ! .

-- مهو انا بقى البكون عايز اضحكك .. هاهاها .. القطه المشميه حلوة بس

- بيبص ابراهيم لـضميره وبيقولو .. مش انت ضميرى ؟ سكتلى الكائن ده او اقتله !

الضمير بيصرخ بصوت عالى .. " سكووووت "

" الكائن الغريب بيسكت وبيحط راسه فى الارض وبيتشقلب وابتدى يمشى مع ابراهيم والضمير على ايديه ورجليه "

- ايه ده هو هيروح معانا ؟

اه طبعاً ده جزء منك زى مانا جزء منك .. ماينفعش نسيبك غير بموتك

- طب .. بس ماتخلهوش يتكلم تانى بالله عليك لانه مزعج وشكل سكتنا طويلة

لو انت مش عايزه يتكلم مش هيتكلم

- بقولك ايه الصح ... هو ازاى انا مش فاكر حاجه عن حياتى وافتكرت امتحان الكيمياء ؟

هو انت افتكترت لوحدك ولا انافكرتك ؟؟

- انت فكرتنى !

بس خلاص .. انت هتفتكر كل حاجه بتفاصيلها لو انا قولتلك عليها !

- طب ماتفكرنى انا مين وريحنى

ابراهيم .. لما نوصل لنهاية الممر هوضحلك كل حاااااااجه

- بس انا خايف اوى .. وايه البروايز المفيهاش غير صورة سوده مفيهاش حاجه دى ! ايه المكان ده

المكان ده هو عالمى ..عالم الضمير ..

- ايه ده يعنى ده بيتك ؟؟

اه بيتى

- بس ازاى انت عايش معايا وليك بيت .. مش المفروض بيتك يكون جوايا

هو الواحد ضمير بيكون صاحى علطول ؟؟

- لا

تمام لما الضمير بيقى بينام بيروح بيته مش هينام فى الشارع يعنى ... والبراويز السوده ده هيا اسرتى

- اسرتك ايه ياعم دى كلها صور سوده مفيهاش اى حاجه

الضمير بيمثل الاحترام والادب والاحتشام ... واللون الاسود هو لو الاحترام والادب والاحتشام .. فكل لوحه من اللوحات دى بترمز لشخص مننا احنا الضمائر .. احنا عندنا العلاقات والرموز روحيه مش ماديه زيكم

- بس ازاى ده عالمك وطلعلنا المهرج البيغنى المفروض شىء بتاعى هنا ! ..

مهو للاسف لما الضمير مننا يجيله التكليف البشرى حياته بتبقى مزيح بين الحياه الشخصيه بتاعته والحياه الشخصيه بتاعت الانسان المعاه .. مانتو بتيجو حياتنا تفشخوها الله يخرب بيتك اهاليكم

ابراهيم والضمير والكائن اللزج - البيطلعلنا فى الامتحان - ماشين فى أمل انهم يوصلو لـ اخر الممر

- اوف انا تعبت ياعم الضمير احنا بقالنا يجى خمس ساعات ماشيين .. انا قرفت وربنا

اصبر يابراهيم الصبر ياحبيبى الصبر

- طب لغايت امتى ؟؟ انا تعبت والله

لغايت مانوصل لنهاية الممر

- تصدق بالله انا حاسس ان الممر ده رمز او استعاره مكنية لشىء صح ؟

يبتسم الضمير .. صح يابراهيم عرفتها لوحدك ؟

- يعنى احنا كل ده ماشيين فى رمز ! ... طب ماتقولى بيرمز لماذا وتريحنى !

الممر ده ياسيدى بيرمز كل الذنوب والمعاصى ومخالفات ضميرك الـ انت عملتها طول حياتك !! يعنى انت الـ السبب فى كل القرف والتعب الا احنا فيه .. وياعالم هنوصل فى ليلة ابونا السوده دى ولالا

- يبقف ابراهيم ويبلغ رقيه ! .. يعنى كل الطريق ده هيا مخالفات ضميرى !! ... هو انا كنت تاجر مخدرات ولا فاتح بيت دعاره !

ولا ده لا ده انت كنت مجرد فاشل ... وانا بسببك كل يقوم باخد الممر ده رايح جاى كل اما انام اخد الممر كله عشان اوصل بيتى ولما اصحى امشى الممر ده كله برضه عشان اخرج للبعد الاول " الدنيا " ..

- يعنى انا كل ماخالف ضميرى الممر يطول عليك ؟

اه ياسيدى .. ده عقاب من سيد الضمائر الاول .. وقانون حطه عشان يحمسنا ان احنا نخلى البشر مايخلفوش ضمايرهم كتير

- ده ايه الدماغ الغاليه دى

اومال يابنى .. احنا كضمائر عندنا لكل حاجه نظام مش زيكم او زيك انت بالذات

- ايه ياضميرى ده .. هو انا يعنى كنت شيطان

ياريتك كنت بتعمل غلط بس نشيط اهو اسمك بتعمل حاجه ... انما انت كنت ميت .. انت كنت بطه بلدى ... عارف البطه لما بتنزل الميه ؟؟ انت كنت زيها كده .. كنت كائن ثمل بدن خمر .. كنت بلا وعى .. كنت مقضيها نوم .. كنت بتكسل تجيب حتى كوباية المياه !

- طب يعنى انا اهو ماعملتش ذنوب كتير .. اومال ليه الممر طويل اوى كده !!

الكسل وعدم فعل شىء ده اكبر ذنب .. الانسان ربنا بيديله حياته وبيخليه حر فيها عشان يخطط وينظم حياته وينجح .. يشوف ايه الهيعمله .. يذاكر يشتغل يطور من نفسه ... يعبد الله .. يقراء .. يكتب .. يرسم ... كل يوم لزم يكون فى اضافة جديدة .. خبره .. علاقة ... مسكب مادى اوى روحى .. انما انت كنت عايش كده .. زى البطريق او كائن البندا

- معاك حق ياضميرى كلامك حكم والله

"""" وفجاءه ينط الكائن اللزج من فوق ابراهيم والضمير ويبقى قدامهم ويفتح بوقه للاخر ويغنى ويقول """

جوسي بابلو اميلو اسكوبار كابريا سوفيله لى ده مان دانتو ليه سوكا بيت درامله اوتو باتو تاتو تيتي .. ده انا نت تاو ناتو تات تلاتا تت لاتيلا تلا لالااااااااا

- ايه ده بسم الله ده بيعمل كده ليه ! .

اجرى يابراهيم دى اغنية مسلسل مكسيكى كنت قارف ابونا بيه وفضلت شهر بحاله تغنيها ... اجرى بسرعه والا هنفضل نغنيها معاه وهننسى كل حاااااااجه .. اجرى يابراااااااااااااااااااااااااااااااااااااهيم

يتبع

البعد الخامس - الجزء الاول

بيصحى ابراهيم وعلى دماغه اثار دم بيفتح عينه بتقل .. بيحاول يشوف هو فين .. بس مش قادر يسند ضهره ولا قادر يرفع جسمه .. ايه ده انا فين ! .. ايه الحصل .. بيلمس دماغه بايده وبيبص على ايده . ايه الدم ده ! . وفجاءه يبص ابراهيم لزاوية الاوضه ويلقى قدامه شخص غريب قاعد قعدة القرفصاء .. وحاطط دماغه بين رجليه وحاطط ايده على دماغه .. وبصوت بيحاول ابراهيم انه يعليه .. انت مين ! .. انت ياعم انت .. انت مين وانا فين .. بيرفع الشخص الغريب دماغه وبيبص لـ ا ابراهيم .. وبيقولو .. حابب تعرف انا مين ؟؟ .. ابراهيم بيرد عليه .. اه انت مين .. وانا مين . واحنا فين ؟ .. الشخص الغريب بيقولو .. لو عرفت انا مين هتعرف انت مين .. ولو عرفت انت من هتعرف انا مين .. ابراهيم وهو بيحاول يسند ضهره ع الحيطه .. ليه هو احنا اخوات ؟ .. الشخص الغريب يقولو .. لا ياروح امك احنا مش اخوات .. 

 

 

- طب ليه طب اخلص طب عرف امى الا انا روحها انا مين وانت مين واحنا فين وايه الحصل ...

انا ؟ انا ضمير حضرتك السىء .. انا كل لحظات تعاستك ... انا ضيقك وحزنك وفرحك وبكائك وضحكك .. انا روحك ونفسك انا اكسجينك يا ابراهيم ! ..

- ياعم براحه عليا لانى دايخ اصلا ودماغى مفتوحه.

لا انت دماغك مش مفتوحه

ياعم مفتوحه واهو الدم اهو

- فى اللحظه دى يحط ابراهيم ايده على دماغه مايقليش اثار الجرح .. ولا يلقى دم ..

ايه ده ! .. والله كان فى دم هنا وكان فى جرح ... كان واجعنى ومسببلى صداع !! .. ده حتى الصداع راح !! .. ايه الحصل ! هو انا بحلم ولا ايه !!

حلم او حقيقه مش فارقه .. انما واقع انك بتتكلم وانا بتكلم واننا سامعين بعض ..

طب قولى ازاى طيب انا كان فى جرح وكان فى صداع والم .. طب طب انا جسمى متكسر ! جسمى واجعنى ولا انا بتوهم ؟؟

انت عايزه يكون ايه يابراهيم ؟

انا ؟ ومن امتى الانسان بيختار ايه المفروض وايه المش مفروض ده واقع حاجه حصله !

يابراهيم رد واخلص انت عايزه يكون ايه ؟؟ ..

عايز مايكونش فى اى اثار الم فى جسمى ..

قشطه يابراهيم كده انت ماعندكش اي اثار لوجع فى جسمك

- ابراهيم بيحاول يقوم .. وفعلاً بيقوم ! .. يبلقى حركات جسمه سلسه وسهله ..

ايه ده سبحان الله سبحان الله ! حصل ازاى ده .. لالالا انت ساحر انت ساحر مغربى وشيخ روحانى ..

روحانى ايه ياحبيبى ومغربى ايه .. بقولك ضميرك .. يعنى انت هتكون مصرى وضميرك مغربى يابراهيم ماتفوق بقى من ام الغيبوبه الا انت فيها دى

ايووووووووووه غيبوبه انا كنت فى غيبوبه .. انا مش فاهم حاجه انا كنت .. طب انا ايه الحصلى !!

عايز تعرف ايه الحصلك ؟؟

ابوس فخادك قولى ايه الحصلى انا تعبت !

حبيبى انت كنت نايم على سريرك وحاضن الجهاز بتاعك وعمال تسمع اغانى ومغمض عينك وعمال تفكر فى حياتك الـ ماشاء الله ملهاش اى ملامح .. حبك الـ ضاع واتسرق .. مستقبلك المهنى الماشاء الله مش عايز يبتدى .. حياتك الملهاش اى قيمة .. الـ دودقة القز حياتها اهم منك وكنت سرحان وعمال تفكر فى البت المغنية الجزائرية العمرك ماهتعرف تكلمها لانها انسانه ناجحه فى حياتها .. عرفت تختار قدرها . عرفت ترسم طريقها وتمشى فيه ... كافحت ووصلت .. واصبحت مشهورة .. وانت اه ياخيبتك التقيله

ياعم ابوس ايدك كمل وبطل تقطيم لانى مش فاكر حاجه

ياسيدى ماعلينا المهم وانت عمال تفكر فيها ... وعمال تفكر فى حياتك وازاى تنجح وتوصل .. وانت مابين كل ده كنت قربت توصل لمرحلة النوم .. فكنت فى مرحلة مابين اليقظه والنوم .. قومت انا خطفتك وجبتك هنا !

ايوه ! .. يعنى انا فى عالم خيالى مش واقع ؟

ومين قالك انك كنت عايش فى واقع ؟ ومين شرط ان الدنيا الكنت فيها هى الواقع والـ احنا فيه حالياً مش واقع ؟ .. هو انت ملك الكون عشان تصدر فرمانات من دماغ امك ؟

- طب احنا فين ؟ وانت مين ؟؟ احنا فى حلم صح ؟

ابراهيم الحلم انت مش بتفتكر تفاصيله ... انت مش فاكر تفاصيل الحصل من ساعة مافوقت ؟

- لا فاكر بس احنا .. طب قولى لانى متلخبط .. حس بيا انا واحد صاحى لاقى واحد بيتكلم كلام غريب .. واحد مش فاكر حتى اسمه

انا هريحك ... عارف الزمكان ؟

- بتاع اينشتاين اه فاكره ؟ ..

الزمكان ده اسمه البعد الثالث .. احنا بقى فى البعد الخامس

- يعنى احنا فى الفضاء ؟!!

لا احنا فى مكان ولا على الارض ولا فى الفضاء .. احنا فى بعد تحت ملاين الامواج الضوئيه الدماغك مش هتقدر تستحملها .. علشان كده انت فقدت الذاكره ..

- بس انا فاكر اينشتاين !

انت فاكر كل حاجه الا انت ..الا حياتك ..

- طيب انت مين ؟؟

ماقولتلك انا ضميرك .. انا خيالك .. انا الا وعى حقك ..

- الا وعى حقى ! .. حقى ! انت خليجى ولا مصرى ولا مغربى !

ياعم انا مصرى وربنا بس بحب اتكلم اللهجة الخليجيه لان قبل ماكون الضمير بتاعك كنت الضمير بتاع واحد خليجى .. ياه احلى ايام عدى عليها 100 سنه

- اه طيب .. " بيبص ابراهيم حوليه وبيركز فى الشخص الغريب الـ قدامه ” .. طب انت عايز منى ايه ؟ وانا مش هروح للواقع بتاعى ؟

- مش لما تعرف الاول انت مين عشان عشان تروح للواقع المهبب بتاعك .. مستعجل اوى ع الخيابة !

- خيابة ؟ ليه هو انا حياتى خيابة ؟

اه حياتك خيابة .. والواقع بتاعك زباله .. انت شخص لزج فاشل .. انا كاضميرك زهقت وطفشت ولما جبت اخرى منك قولت اخطفك واجيبك هنا عشان افوقك ..

- طب فوقنى ابوس رجلك فوقنى اعمل اى حاجه

مستعجل اوى وعايز تعمل حاجه ؟؟ مانت عايش 30 سنه ولا هببت فيهم حاجه .. قاعد ع السرير زى العويل ملكش اى لزمه

- ياعم انت قاسى عليا كده ليه

قاسى عليك عشان انا ضميرك .. والضمير هو الكائن الوحيد اليقدر يفوق الانسان

يُتبع

رسالة الى ابى

أبى .. كنت أعلم انها ليست لى .. كنت أعلم أن أملى فى وصالاً لها مفقود .. ولكنك تعلم قلبى .. تعلم أنى كنت لها متعلقاً .. كنت كـ الطفل حين رأيتها .. كانت لى أم لطفل يتيم بلا مأوى .. كانت هى الجنان .. كانت الروح لجسد تعفن من مئات السنين .. كنت لها نصفاً وكانت هى الكل .. كانت كل شىء يا أبى .. كنت أريدها .. كنت أريدها .. كما أردت انت الحياه فى لحظات موتك ..

 

مالك هكذا !!

أنها فتاه ..

ذهبت ورحلت .. مال حالك ومالها ؟؟ 

 

مالى انا !! .. أترى حين ترى أمى .. متزوجةً بغيرك ؟؟ ماهو شعورك حينها ؟؟ 

 

أتضحك !! أترسم هذا الابتسامة ؟؟ أتظننى طفلاً يمسك قلماً ليرسم !! .. فانا امسكُ القلم لكى أبكى .. لكى أصرخ فى مرمى السماء .. لعل الله يجيبنى برحماته

 

 

 

رأيتها ياأبى .. رايتها بلباس العفة المتوج .. رايتها وفى يدها رجلاً غريبً عنى وعنها .. رايتً من سرق حياتى وحلمى ببرود

لن أرحم عشقاً لن أرحم احداً .. كنتً كما عاهدتنى .. ذلك الطفل الرقيق ..ذلك الطفل المحب للحياة .. فـ يا أبى .. طلبت العفاف من أميرة .. كنت لها ملك .. كنت انا الملك .. فحاربتنى الدنيا حاربنى كل شىء ... حتى حبات الرمل .. حتى قطرات عرقى حاربتنى .. لن أرحم أحد .. كما لم ارُحم فى معركتى الخاسرة .. 

 

أنا كاتب بيدً مشلولة .. مكسورة .. مقهورة من أودية الحياة .. أرايت يا أبى .. غنياً فقيراً ؟؟ أكنت تظننى هكذا ! ..

انا مشلولاً يابى .. مشلولاً .. حتى الكتابة فقدتها .. حتى حياتى من بعدها .. ومن بعدك .. رفسنى العالم كمنبوذ

موطنى اليابان

موطنى .. !

الجلال والجمال والسناء والبهاء فى رُباك ! .. فى ربُاك ..

والحياة والنجاة والهناء والرجاء فى هواك !! 

 

نص لقصيدة كتبها الشاعر الفلسطينى إبراهيم طوقان .. وأنا اسمع او أقراء هذه الكلمات .. يظهر فى داخلى احساسً منعكس .. احساساً متضاد .. كمن يسمع كلمات الحب ويندمج معها .. ويبكى فى فراق الاحبة ويبُارك للرجوع بعد الفراق .. وهو اصلاً أعَذب .. لم ولن يكن فى حياته فتاه .. 

هذا نفس حالى عندما اسمع هذه الكلمات التى تتحدث عن الوطنيه والوطن وحب الوطن والدفاع والاستماته من أجل الوطن .. اندمج مع الكلمات ويميل قلبى منها واليها كقاربً بلا شراع .. بلا وجهة او حتى بوصلة !

وأظن انى لستً وحيداً فى هذا الاحساس .. فانا كانا لا أعشق بلدى - مصر - الى هذا الحد .. لا أعشقها اصلاً .. وأتمنى الهروب منها اليوم قبل الغد .. والغد قبل أمس .. لا لستً خائناً .. فانا مع ذلك كدتً ان اقُتل من قبل قوات شرطةً بلدى وانا فى مظاهره ضد الفساد ..